Qohum nikahlarının qadağan olunması illərlə aparılan araşdırmalara əsaslanır - DK

Azərbaycanda qohum nikahlarının qadağan olunması tibbi araşdırmalar və beynəlxalq təcrübə əsasında qəbul edilmiş qərardır. Bunu Ailə, Qadın və Uşaq Problemləri üzrə Dövlət Komitəsinin Hüquqi təminat şöbəsinin müdiri Taliyə İbrahimova bildirib.

Onun sözlərinə görə, bu addım bir gündə verilmiş qəfil qərar deyil, illərlə aparılmış elmi-tibbi araşdırmalar və maarifləndirmə işlərinin nəticəsidir.

“Yaxın qohumların nikahı zamanı doğulan uşaqlarda genetik və irsi xəstəliklərin riski 4–8% arasında dəyişir. Halbuki bu göstərici qeyri-qohum nikahlarda 2–4% təşkil edir”, –  İbrahimova qeyd edib.

Komitə rəsmisi bildirib ki, bu dəyişikliklər sağlam genofondun qorunması və gələcək nəsillərin təhlükəsiz inkişafı baxımından həyata keçirilən proaktiv tədbirlərin bir hissəsidir.

Gülnar Nazimqızı