Bakı-Qazax avtomobil yolunda təmir işlərinə görə hərəkət məhdudlaşdırılır

M2 Bakı–Ələt–Qazax–Gürcüstan sərhədi avtomobil yolunun bir neçə hissəsində aparılacaq təmir işləri ilə əlaqədar avtonəqliyyat vasitələrinin hərəkəti 1 avqust tarixindən etibarən mərhələli şəkildə məhdudlaşdırılacaq. Bu barədə Azərbaycan Avtomobil Yolları Dövlət Agentliyi məlumat yayıb.

Təmir işləri yolun 15-ci, 69-cu, 97,7-ci və 117-ci kilometrlik hissələrində aparılacaq. Agentlik bildirir ki, hərəkət məhdudiyyətləri işlər başa çatana qədər qüvvədə olacaq.

Sürücülərə həmin ərazilərdə diqqətli olmaları, yol hərəkəti qaydalarına və müvəqqəti yol nişanlarının tələblərinə əməl etmələri tövsiyə olunub.