İmtahanda kəsilən müəllimlər nazirliyə qarşı iddia qaldırıb

Bu ilin iyun ayında keçirilən təkrar sertifikasiya imtahanında uğursuz olan və işdən azad edilən bir qrup müəllim Bakı İnzibati Məhkəməsinə müraciət edib. Bu barədə məlumatı Modern.az yayıb.

Məlumata görə, ölkənin müxtəlif regionlarından olan və sayı 10-a yaxın olan müəllim Elm və Təhsil Nazirliyindən və regional təhsil idarələrindən işə bərpa olunmalarını tələb ediblər.

Bakı İnzibati Məhkəməsi iddiaları icraata qəbul etsə də, onları baxılması üçün aidiyyəti üzrə rayon və şəhər məhkəmələrinə göndərib.

Beləliklə, imtahandan kəsilən müəllimlərin şikayətlərinə region məhkəmələrində baxılacaq.

Bundan əvvəl elm və təhsil naziri Emin Əmrullayev bildirib ki, indiyə kimi 7318 müəllim sertifikasiya imtahanından kəsilib. 

Nazir bildirib ki ümumilikdə 17,4 min müəllim yüksək nəticə göstərib. 

Azərbaycan bütün müəllimlərin 2026-ci ilin sonuna kimi sertifikasiya imtahanına cəlb edilməsi nəzərdə tutulub. 

Gülnar