Deputat: Xəstəxanalarda qeyri-tibb işçilərinin maaşları artırılmalıdır

Xəstəxana və digər tibb müəssisələrində çalışan qeyri-tibb və texniki heyətin əmək haqları çox aşağıdır və bu şəxslərin sosial rifahının yaxşılaşdırılması üçün maaşlar əsaslı şəkildə artırılmalıdır. Bunu Milli Məclisin sentyabrın 30-da keçirilən iclasında deputat Razi Nurullayev deyib. 

Deputat qeyd edib ki, bu sahədə çalışanlar səhərdən axşama kimi 400-500 manata işləyirlər və bu, onların əməyinə adekvat deyil.

“Bu məsələ ilə bağlı Tibbi Sığorta Agentliyi və TƏBİB ilə də söhbətlərimiz olub. Yalnız 50 manatlıq artım üçün belə ciddi maliyyə vəsaiti tələb olunur,” –  Nurullayev bildirib.

O, gələn ilin dövlət büdcəsinin müzakirəsi zamanı bu məsələnin prioritet kimi nəzərə alınmasını təklif edib.

Gülnar Nazimqızı