Oktyabrın 22-də Suriyadan 6 Azərbaycan vətəndaşı ölkəyə repatriasiya olunub

Oktyabrın 22-də Suriyadan ikisi qadın, dördü uşaq olmaqla altı Azərbaycan vətəndaşı ölkəyə repatriasiya edilib. Bu barədə Xarici İşlər Nazirliyi məlumat yayıb. 

Repatriasiya prosesində müvafiq dövlət qurumlarının nümayəndələri iştirak edib və vətəndaşların ilkin tibbi və psixoloji müayinəsi həyata keçirilib.

Nazirlik qeyd edir ki, repatriantların sosial reabilitasiyası və cəmiyyətə reinteqrasiyası üçün zəruri tədbirlər planlaşdırılır.