“Azsığorta”nın pul vəsaitləri son bir ildə 51% azalıb

“Azsığorta” ASC-nin cəmi aktivləri son bir il ərzində 1,07 milyon manat və ya təxminən 3,4% azalıb, əsas azalma likvid vəsaitlərlə bağlıdır. Bu barədə banker.az saytı sığorta şirkətinin 2025-ci ilin ilk üç rübünün sonuna olan hesabatına istinadla yazıb.

Hesabata görə, 2024-cü ilin oktyabrın 1-də 31,83 milyon manat olan aktivlər 2025-ci ilin eyni dövründə 30,76 milyon manata enib. Likvid aktivlər – pul vəsaitləri və onların ekvivalentləri – 1,99 milyon manatdan 0,98 milyon manata düşüb ki, bu da təxminən 50,7% azalmanı göstərir.

Buna baxmayaraq, investisiya aktivləri 24,61 milyon manatdan 25,98 milyon manata yüksələrək 5,6% artım göstərib. Uzunmüddətli aktivlər isə 17,3% artımla 14,43 milyon manata çatıb.