Şəmkirdə mikroavtobus qəzasında 12 nəfər xəsarət alıb, 2 nəfərin vəziyyəti ağırdır

Şəmkirdə səhər saatlarında baş verən yol-nəqliyyat hadisəsi nəticəsində 12 nəfər xəsarət alıb, onların arasında 11 qadın və 1 kişi var. Zərərçəkənlər Şəmkir Rayon Mərkəzi Xəstəxanasının Təcili Tibbi Yardım şöbəsinə yerləşdirilib və bədənlərinin müxtəlif nahiyələrində çoxsaylı travmalar diaqnozu qoyulub. Bu barədə anews.az-ın sorğusuna cavab olaraq TƏBİB-dən bildirilib.

Məlumatlara görə, 10 nəfərin vəziyyəti orta ağır, 2 nəfərin vəziyyəti isə ağır olaraq qiymətləndirilir. Müalicə tibb müəssisəsində davam etdirilir.

Hadisənin baş vermə səbəbləri hələ araşdırılır. İlkin məlumatlara görə, mikroavtobus işçiləri daşıyırmış və idarəetməni itirmə nəticəsində yol kənarındakı su kanalına aşıb.

Aytac Zeynalova