Qüdrət Həsənquliyev: Həmkarlar İttifaqının səlahiyyətləri gücləndirilməlidir

Ölkədə tez-tez işçilərin hüquqları pozulur, lakin həmkarlar ittifaqı onları müdafiə edə bilmir. Bunu deputat Qüdrət Həsənquliyev dekabrın 16-da parlamentdə çıxışı zamanı bildirib.

Onun sözlərinə görə, iş yerlərində “fati qalx, fati otur” prinsipi ilə idarəetmə geniş yayılıb və bir çox işçilər asanlıqla işdən çıxarılır.

Həsənquliyev qeyd edib ki, məhkəmə qərarlarının icra olunmaması səbəbindən işçilərin bir çoxu hətta məhkəməyə müraciət etmir.

Deputat vurğulayıb ki, həmkarlar ittifaqının səlahiyyətləri gücləndirilmədən işçi hüquqlarının qorunmasında müsbət nəticələr əldə etmək mümkün deyil.

Gülnar Nazimqızı