"Bakı Gəmiqayırma Zavodu" AZAL-dan 5 milyon dollar faizsiz borc alıb

“Bakı Gəmiqayırma Zavodu” MMC “Azərbaycan Hava Yolları” QSC-dən (AZAL) 5 milyon ABŞ dolları məbləğində faizsiz borc alıb.

“Report”un məlumatına görə, tərəflər arasında müqavilə dekabrın 8-də imzalanıb, borc isə dekabrın 15-də təqdim edilib. Müqaviləyə əsasən, vəsait 2028-ci il yanvarın 31-dək tam qaytarılmalıdır.

Qeyd olunur ki, hər iki şirkət Azərbaycan Nəqliyyat və Kommunikasiya Holdinqinin (AZCON) nəzarətindədir və borc əməliyyatı əlaqəli tərəflər arasında həyata keçirilib.