Ərinin videosuna görə ərizə yazan icra başçısının müavini işdən çıxarııb

Ötən ay həyat yoldaşının “TikTok” platformasında qeyri-etik davranışı ilə gündəmə gələn Füzuli Rayon İcra Hakimiyyəti başçısının ictimai-siyasi və humanitar məsələlər üzrə müavini Gülbahar Eyvazova vəzifəsindən azad edilib. Bu barədə yerli media məlumat yayıb. 

Məsələ Gülbahar Eyvazovanın həyat yoldaşı Habil Eyvazovun içkili halda “TikTok”da canlı yayım açaraq dinə və namaza istehzalı münasibət göstərməsi, qeyri-etik ifadələr işlətməsi ilə ictimai müzakirələrə səbəb olub. Hadisə sosial şəbəkələrdə və ictimaiyyətdə kəskin tənqid edilib.

Füzuli Rayon İcra Hakimiyyətindən bildirilib ki, Habil Eyvazov uzun müddətdir icra hakimiyyəti orqanlarında çalışmayıb. Qeyd olunub ki, Gülbahar Eyvazova işdən çıxmaq üçün ərizə təqdim edib və müraciətə baxılıb.

Gülbahar Eyvazovanın adı Füzuli Rayon İcra Hakimiyyətinin rəsmi internet saytından da çıxarılıb.

Aytac