İsmayıllıda narkotik əməliyyatı: 2 kiloqrama yaxın marixuana aşkar edilib

İsmayıllı Rayon Polis Şöbəsinin əməkdaşları narkotik vasitələrin qanunsuz dövriyyəsinə qarşı əməliyyat keçirib.

Daxili İşlər Nazirliyinin Mətbuat Xidmətinin Şəki regional qrupunun verdiyi məlumata görə, tədbirlər nəticəsində 34 yaşlı rayon sakini Söhbət İsmayılov saxlanılıb.

Polis tərəfindən onun üzərindən və gizlətdiyi yerdən ümumilikdə 2 kiloqrama yaxın marixuana və çətənə toxumları aşkar edilərək götürülüb. Araşdırmalar zamanı müəyyən olunub ki, saxlanılan şəxs narkotik vasitələri meşə massivində satış məqsədilə gizlədib.

Faktla bağlı cinayət işi başlanılıb. Məhkəmənin qərarı ilə S.İsmayılov barəsində həbs qətimkan tədbiri seçilib.