ADY qeyri-sabit hava şəraiti ilə bağlı qabaqlayıcı tədbirləri gücləndirib

“Azərbaycan Dəmir Yolları” QSC (ADY) ölkə ərazisində müşahidə olunan qeyri-sabit hava şəraiti ilə əlaqədar dəmir yolu infrastrukturu üzrə zəruri qabaqlayıcı tədbirlər həyata keçirir.

Səhmdar cəmiyyətindən bildirilib ki, ölkə üzrə dəmiryol vağzalları, stansiyalar və dayanacaqlarda qatarların və sərnişinlərin təhlükəsiz hərəkətinin təmin edilməsi üçün işçi heyəti fasiləsiz fəaliyyət göstərir, platformalarda sürüşmənin qarşısını almaq məqsədilə xüsusi örtüklər salınıb.

ADY-nin məlumatına görə, hazırda qatarlar hərəkət qrafikinə uyğun fəaliyyətini davam etdirir. Qurum hava şəraiti sabitləşənədək analoji təhlükəsizlik tədbirlərinin davam etdiriləcəyini açıqlayıb.

Sərnişinlərə platformalarda hərəkət zamanı diqqətli olmaları və dəmiryol xətlərini yalnız müvafiq keçidlərdən keçmələri tövsiyə edilib.