Azərbaycanda qida bazarında nəzarət yoxdur - Çingiz Qənizadə

Azərbaycanda qida bazarında demək olar nəzarət yoxdur və Ombudsman bu məsələyə diqqət yetirməlidir. Bunu Demokratiya və İnsan Hüquqları Komitəsinin sədri Çingiz Qənizadə bildirib.

O misal olaraq deyib ki, bir marketdə vaxtı keçmiş pendirlərin üstü kəsilərək yenidən qiymət vurulub satışa çıxarılır.

Qənizadə əlavə edib ki, minlərlə insan belə halların qurbanı olur və məsul şəxslər cəzalandırılmır.

Komitə sədri həmçinin keçmişdə “Leş Tofiq” kimi tanınan şəxsin yararsız ətləri satışa çıxardığını, lakin cəza almadığını xatırladıb. O bildirib ki, bu istiqamətdə ciddi tədbirlər görülməlidir.

Gülnar Nazimqızı