Rusiya vətəndaşlarını İranı Azərbaycan vasitəsilə tərk etməyə çağırıb

Rusiyanın İrandakı səfirliyi vətəndaşlarına müraciət edərək İranı Azərbaycan vasitəsilə tərk etməyə çağırıb.Bu barədə Rusiyanın Tehrandakı diplomatik missiyasının yaydığı rəsmi bəyanatda deyilir.

Səfirlik bildirib ki, hazırda İrandan çıxmaq üçün ən optimal marşrutlar Astara sərhəd-keçid məntəqəsi vasitəsilə Azərbaycana, eləcə də “Nurduz”/”Aqarak” buraxılış məntəqəsi vasitəsilə Ermənistana keçməkdir. Diplomatik nümayəndəlik vətəndaşlarından hərəkət zamanı maksimum dərəcədə ehtiyatlı və sayıq olmalarını xahiş edib.