70 yeni kommunal texnika Azərbaycanın 58 şəhər və rayonuna göndəriləcək

Azərbaycan Prezidenti İlham Əliyev martın 2-də Bakı Ekspo Mərkəzində məişət tullantıları daşıyan texnikalarla tanış olub.

Ekologiya və Təbii Sərvətlər Nazirliyinin sifarişi ilə Gəncə Avtomobil Zavodunda istehsal olunan texnikaların hər birinin tutumu 22 kubmetr, ümumi sayı isə 70 ədəd təşkil edir. Kommunal texnika Bakı və Gəncədən Azərbaycanın 58 şəhər və rayonuna göndəriləcək.

Layihə regionlarda kommunal xidmətlərin keyfiyyətinin yüksəldilməsinə, sanitariya-gigiyena vəziyyətinin yaxşılaşdırılmasına və ətraf mühitin mühafizəsinə töhfə verir. Texnikaların istehsalı yerli müəssisədə həyata keçirilib; zavod 1986-cı ildə yaradılıb və hazırda 500 işçi çalışır.