Daha 18 ukraynalı uşaq reabilitasiya üçün Bakıya gətirilib

Ukraynalı uşaqlardan ibarət daha bir qrup reabilitasiya proqramı çərçivəsində Bakıya gətirilib.Bu barədə Ukraynanın Azərbaycandakı səfiri Yuriy Husyev “X” sosial şəbəkə hesabında məlumat verib.

O bildirib ki, 18 ukraynalı uşaq Azərbaycanda tibbi-psixoloji dəstək və reabilitasiya proqramına cəlb olunacaq.

Səfirin sözlərinə görə, 2022-ci ildən indiyədək ümumilikdə 594 ukraynalı uşaq Azərbaycanda istirahət və bərpa proqramlarından yararlanıb.

O, göstərilən dəstəyə görə Azərbaycan tərəfinə təşəkkür edib.