79 nömrəli marşrutun bütün avtobusları yenilənir

Binəqədi rayonunun M.Ə.Rəsulzadə qəsəbəsini metronun "28 May" stansiyası ilə əlaqələndirən 79 nömrəli marşrut xəttində avtobusların bir hissəsi ötən ilin oktyabrında yenilənib.Bu barədə Azərbaycan Yerüstü Nəqliyyat Agentliyi (AYNA) məlumat yayıb.

Məlumata görə, iyunun 1-dən marşrut xəttinə ekoloji cəhətdən təmiz sıxılmış təbii qaz (CNG) texnologiyası ilə təchiz edilmiş avtobuslar əlavə olunacaq. Bununla da xətt üzrə ümumilikdə 16 avtobus sərnişinlərə xidmət göstərəcək.

AYNA bildirib ki, avtobuslar 7 dəqiqəlik hərəkət intervalı ilə fəaliyyət göstərəcək.

Qurumun məlumatına görə, marşrutda ödəniş nağdsız qaydada həyata keçirilir və gediş haqqı 0,60 manatdır.