Deputat: həvəskar balıqçılıqla bağlı ayrıca qanuna ehtiyac var

Azərbaycanda həvəskar balıqçılığın hüquqi tənzimlənməsinin təkmilləşdirilməsi vacibdir. Bunu Milli Məclisdə çıxış edən deputat Məlahət İbrahimqızı bildirib. 

Deputat qeyd edib ki, dünyada həvəskar balıqçılığa maraq artır və bu sahə dayanıqlı təbii resursların idarə olunması baxımından beynəlxalq gündəmdə mühüm yer tutur.

Onun sözlərinə görə, Avropa ölkələrində həvəskar balıqçılığı tənzimləyən ayrıca qanunvericilik mövcuddur. Deputat Almaniyada bu sahə üzrə ciddi tələblərin tətbiq edildiyini, Türkiyədə isə həvəskar balıqçılıqla bağlı ayrıca qanunun qüvvədə olduğunu xatırladıb.

Məlahət İbrahimqızı bildirib ki, Azərbaycanda da həvəskar balıqçılıq sahəsində hüquqi bazanın genişləndirilməsinə ehtiyac var.

"Həvəskar balıqçılıqla bağlı qaydalar, icazələrin verilməsi, ov normaları və digər məsələlər daha ətraflı tənzimlənə bilər", – deputat vurğulayıb.

Gülnar Nazimqızı