TikToker Müjgan Məmmədzadə 10 sutkalıq inzibati həbs edilib

Sosial şəbəkələrdə "Müjgan" adı ilə tanınan bloger Müjgan Məmmədzadə cəmiyyətə açıq hörmətsizlik və ictimai mənəviyyata zidd hərəkətlərdə təqsirli bilinərək 10 sutka müddətinə inzibati həbs edilib.

Daxili İşlər Nazirliyinin məlumatına görə, 1992-ci il təvəllüdlü Müjgan Əziz qızı Məmmədzadə Sabunçu rayonu ərazisində polis əməkdaşları tərəfindən saxlanılıb.

Onun barəsində İnzibati Xətalar Məcəlləsinin 510.2-ci maddəsi ilə protokol tərtib olunaraq məhkəməyə göndərilib. Həmin maddə internet informasiya ehtiyatlarında və ya informasiya-kommunikasiya şəbəkələrində kütləvi nümayiş etdirilən, ictimai mənəviyyatı təhqir edən və cəmiyyətə açıq hörmətsizlik ifadə edən hərəkətlərə görə məsuliyyət nəzərdə tutur.

Rayon məhkəməsinin qərarı ilə Müjgan Məmmədzadəyə 10 sutka inzibati həbs cəzası verilib.