Naxçıvan Avtomobil Yolları Dövlət Agentliyinə sədr müavini təyin olunub

Naxçıvan Muxtar Respublikası Nazirlər Kabineti Məmmədnağı Əkbərovu "Naxçıvan Avtomobil Yolları Dövlət Agentliyi" publik hüquqi şəxsin İdarə Heyəti sədrinin müavini vəzifəsinə təyin edib.

Nazirlər Kabinetinin avqustun 4-də imzaladığı sərəncama əsasən həyata keçirilən təyinatla Məmmədnağı Əkbərov agentliyin rəhbərliyində fəaliyyət göstərəcək.

Rəsmi məlumata görə, Məmmədnağı Əkbərov bu təyinata qədər Naxçıvan Muxtar Respublikası Maliyyə Nazirliyinin Dövlət Maliyyə Nəzarəti İdarəsinin rəisi vəzifəsində çalışıb.