Dövlət qurumları 7 ayda 28 yeni domen və 249 subdomen alıb

Bu ilin yanvar-iyulda Azərbaycanda dövlət qurumlarının istifadəsinə 28 yeni domen verilib,  bu göstərici ötən ilin eyni dövrü ilə müqayisədə 9,7% azdır. Bu barədə  Xüsusi Rabitə və İnformasiya Təhlükəsizliyi Dövlət Xidmətindən bildirilib. 

Hesabat dövründə dövlət qurumlarının istifadəsinə 249 yeni subdomen də verilib. Bu isə illik müqayisədə 59% artım deməkdir.

Təkcə iyulda dövlət qurumları 5 yeni domen və 38 subdomen əldə edib. Bu göstəricilər 2025-ci ilin iyul ayı ilə müqayisədə müvafiq olaraq 67% və 41% çoxdur.

Domen internetdə veb-saytın ünvanını, subdomen isə əsas domen daxilində yaradılan ayrıca internet ünvanını ifadə edir. Dövlət qurumları elektron xidmətlərin, informasiya resurslarının və müxtəlif rəqəmsal platformaların fəaliyyəti üçün domen və subdomenlərdən istifadə edir.

2025-ci il ərzində Azərbaycanda dövlət qurumlarının istifadəsinə ümumilikdə 65 yeni domen və 285 yeni subdomen verilib.

Gülnar