Salyanda 16 yaşlı qızın toyunun keçirilməsinin qarşısı alınıb

Salyanda 16 yaşlı qız üçün toy mərasiminin keçirilməsi planının qarşısı polis tərəfindən alınıb.

Daxili İşlər Nazirliyinin Mətbuat Xidmətinin regional qrupundan verilən məlumata görə, rayonda yerləşən şadlıq saraylarından birində yetkinlik yaşına çatmayan şəxsin toyunun keçiriləcəyi barədə polisə müraciət daxil olub.

Araşdırma zamanı qızın 16 yaşının tamam olduğu müəyyən edilib. Polis əməkdaşları oğlan və qızın valideynləri ilə izahedici söhbətlər aparıb, belə halın hüquqazidd olduğu diqqətə çatdırılıb.

Nəticədə planlaşdırılan toy mərasimi təxirə salınıb.