Çin XİN başçısı: Yaxın Şərqdə vəziyyət yenidən kritik mərhələdədir

Yaxın Şərq və Fars körfəzi bölgəsində vəziyyət yenidən kritik mərhələyə çatıb və əsas prioritet gərginliyin azaldılmasıdır. Bunu Çinin xarici işlər naziri Vanq Yi bildirib.

Vanq Yi bu barədə Pekində Küveytin xarici işlər naziri Şeyx Cərrah Cabir əl-Əhməd əs-Sabah ilə görüşü zamanı danışıb.

Çin XİN başçısı tərəflərin mümkün qədər tez dialoq və danışıqlar yoluna qayıtmasına ümid etdiyini deyib. O, “təkrarlanan qarşıdurma ssenarisinin” yenidən yaşanmamalı olduğunu vurğulayıb və vəziyyətin gərginləşməsinin qarşısının alınmasını əsas prioritet kimi göstərib.

Vanq Yi Çinin Yaxın Şərqdə diplomatik səylərini davam etdirdiyi bir vaxtda bu açıqlamanı verib. Pekin regional böhranların siyasi və diplomatik yollarla həll edilməsini və gərginliyin azaldılmasını dəstəkləyir.

Gülnar