"Azneft" İB-nin istehsalat sahələrində təhlükəsizlik tədbirləri gücləndirilib

Azərbaycanda qeyri-sabit və küləkli hava şəraiti ilə əlaqədar SOCAR-ın “Azneft” İstehsalat Birliyinin istehsalat sahələrində təhlükəsizlik tədbirləri gücləndirilib.Bu barədə “Azneft”dən İB-dən məlumat verilib.

Bildirilib ki, təhlükəli işlərin görülməsi məhdudlaşdırılıb, əmək təhlükəsizliyi normalarına uyğun olaraq işçilərin sağlamlığının qorunması üçün müvafiq tədbirlər görülüb.

Məlumata görə, bütün istehsalat sahələrində davamlı məlumatlandırma aparılır və vəziyyət nəzarətdə saxlanılır.