Xaricdə yaşayan azərbaycanlılar üçün ödənişsiz onlayn dil məktəbinə qeydiyyat başlayıb

Azərbaycan Gənc Müəllimlər Assosiasiyası (AGMA) xarici ölkələrdə yaşayan azərbaycanlılar üçün “Ana dili – Azərbaycan məktəbi” layihəsinə qeydiyyata başlayıb.

2026-2027-ci tədris ilini əhatə edəcək layihə çərçivəsində Azərbaycan dili dərsləri təcrübəli mütəxəssislər tərəfindən məsafədən və ödənişsiz keçiriləcək.

Müxtəlif yaş və dilbilmə səviyyəsinə malik iştirakçılar yaşadıqları ölkənin vaxt qurşağı nəzərə alınmaqla formalaşdırılan qruplarda təhsil alacaqlar.

Qeydiyyat sentyabrın 23-dək davam edəcək. Əlavə məlumat üçün [email protected] elektron poçt ünvanına və ya “WhatsApp” və “Telegram” vasitəsilə +994 51 226 71 21 nömrəsinə müraciət etmək mümkündür.