“İçərişəhər” stansiyasında nasaz qatar xətdən çıxarılıb, hərəkət bərpa olunub

Bakı Metropoliteninin “İçərişəhər” stansiyasının giriş sahəsində nasaz qatar xətdən çıxarılıb və Qırmızı xətt üzrə qatarların hərəkət intervalı bərpa olunub. Bu barədə “Bakı Metropoliteni” QSC-dən  məlumat verilib.

Qurum bildirib ki, stansiyanın giriş sahəsində qatarda nasazlıq yaranıb və köməkçi qatarın köməyi ilə nasaz qatar xətdən çıxarılıb.

Hadisə səbəbindən Qırmızı xətt üzrə hərəkətdə qısa müddətli gecikmə yaranıb. Yaşıl və Bənövşəyi xətlər üzrə qatarların hərəkəti isə qrafikə uyğun davam edib.

Səhər saatlarında nasazlıq səbəbindən bəzi stansiyalarda sərnişinlərin qatarlardan düşürüldüyü və hərəkətin 15 dəqiqədən çox dayandığı barədə məlumat yayılmışdı. Metropolitenin açıqlamasına görə, problem qısa müddətdə aradan qaldırılıb.