Hazırda süni intelektdən istifadə ilə bağlı qaydalar hazırlanmır - nazir

Elm və Təhsil Nazirliyi şagird və müəllimlərin süni intellektdən istifadəsini tənzimləyən vahid qaydalar hazırlamağı planlaşdırır. Bunu elm və təhsil naziri  Emin Əmrullayev bazar ertəsi bildirib.

“Hazırda belə bir qayda yoxdur, amma bu istiqamətdə işimiz davam etməlidir”, - Əmrullayev  şagirdlərin süni intellekt vasitəsilə esse və digər tapşırıqları yerinə yetirməsi ilə bağlı sualına cavabında deyib.

Nazir qaydaların növbəti tədris ilindən tətbiq edilib-edilməyəcəyi barədə suala cavab olaraq onların gələcək illərdə hazırlanmasının planlaşdırıldığını bildirib. 

Azərbaycan 2025-ci ilin martında 2025–2028-ci illəri əhatə edən milli süni intellekt strategiyasını təsdiqləyib. Strategiya süni intellekt üzrə insan kapitalının və bacarıqların inkişafını, bu texnologiyanın məsuliyyətli və təhlükəsiz tətbiqi üçün idarəetmə mexanizmlərinin formalaşdırılmasını nəzərdə tutur. 

Gülnar Nazimqızı