• $
  • €
  • ₽
  • ₺
  • £

Media və Yayım Şurası: Hanning işi ilə bağlı Azərbaycan adı hallandırılmayıb

Media və Yayım Şurası: Hanning işi ilə bağlı Azərbaycan adı hallandırılmayıb
07.10.2026 10:40

Azərbaycan Media və Yayım Şurası Almaniyanın Federal Kəşfiyyat Xidmətinin (BND) keçmiş rəhbəri August Hanninglə bağlı istintaqla əlaqədar Azərbaycanın adının hallandırıldığı məlumatları təkzib edib və onları dezinformasiya kimi qiymətləndirib.

Şuranın bəyanatında bildirilir ki, “Der Spiegel” nəşrinin yaydığı, daha sonra Reuters, AFP, France 24, The Times və The Telegraph kimi beynəlxalq media resurslarında yer alan məlumatlarda Azərbaycanın sözügedən istintaq işi ilə əlaqələndirilməsi əsassızdır.

Reuters-in məlumatına görə, Hanning oktyabrın 6-da dövlət sirrinin əldə edilməsi, casusluq və dövlətə xəyanətə cəhd şübhələri ilə saxlanılıb. Almaniya prokurorluğu onun keçmiş BND əməkdaşından məxfi sənədlər əldə edərək xarici kəşfiyyat xidməti üçün təhlil hazırladığından şübhələnir. Prokurorluq həmin xarici xidmətin hansı ölkəyə aid olduğunu açıqlamayıb.

“Der Spiegel” isə istintaqın Hanningin Azərbaycan kəşfiyyatının əməkdaşı ilə əlaqəsinin olub-olmadığını araşdırdığını yazıb. Məlumata görə, sözügedən təhlilin nəzərdə tutulan ünvana çatıb-çatmadığı hələ müəyyən edilməyib.

Media və Yayım Şurası beynəlxalq media qurumlarını məlumatları dərc etməzdən əvvəl yoxlamağa, etibarlı mənbələrə istinad etməyə və dəqiqlik və obyektivlik prinsiplərinə riayət etməyə çağırıb.

Şura Azərbaycanın adının bu istintaqla əlaqələndirilməsini Azərbaycan-Almaniya münasibətlərinə zərər vurmağa yönəlmiş kampaniyanın tərkib hissəsi kimi qiymətləndirib.

August Hanning 1998-2005-ci illərdə Almaniyanın xarici kəşfiyyat xidməti olan BND-yə rəhbərlik edib. Almaniya prokurorluğunun məlumatına görə, onun keçmiş BND əməkdaşı Manfred D. ilə birlikdə məxfi məlumatların əldə edilməsi və istifadəsi ilə bağlı fəaliyyəti araşdırılır. Manfred D. də saxlanılıb.

Gülnar Nazimqızı 

Instagram
Keçid et
Oxşar xəbərlər
Oxşar xəbərlər
Güclü külək Bakıda fəsadlar törədib
Cəmiyyət 14:05
Güclü külək Bakıda fəsadlar törədib
Sabahın hava proqnozu
Cəmiyyət 12:26
Sabahın hava proqnozu
İmişlidə ağır avtoqəza baş verib, iki nəfər ölüb
Cəmiyyət 11:54
İmişlidə ağır avtoqəza baş verib, iki nəfər ölüb
DYP sürücülərə xəbərdarlıq edib
Cəmiyyət 11:41
DYP sürücülərə xəbərdarlıq edib
Qala qəsəbəsində hərəkətdə olan avtomobil alışıb
Cəmiyyət 23:30
Qala qəsəbəsində hərəkətdə olan avtomobil alışıb
Mətbuat və Media və Yayım şuralarının əməkdaşları Zəfər parkını ziyarət ediblər
Cəmiyyət 23:00
Mətbuat və Media və Yayım şuralarının əməkdaşları Zəfər parkını ziyarət ediblər
Leysan olacaq, şimşək çaxacaq - SABAHIN HAVASI
Cəmiyyət 12:40
Leysan olacaq, şimşək çaxacaq - SABAHIN HAVASI
Ərdoğan Azərbaycana səfərə yola düşüb
Cəmiyyət 11:46
Ərdoğan Azərbaycana səfərə yola düşüb
Bakıda “Opel” və “Tofaş” markalı avtomobillər toqquşub
Cəmiyyət 11:08
Bakıda “Opel” və “Tofaş” markalı avtomobillər toqquşub
Anews TV

Rəsmi Youtube kanalımız

Abunə ol