"Azərbaycan Dəmir Yolları" bəzi stansiyalarda vaqon tərəziləri quraşdırır

Bu barədə Trend İqtisadiyyat və Sənaye Nazirliyinə istinadən məlumat verir.

Məlumatda deyilir ki, Nazirlər Kabinetinin Yol Hərəkəti Təhlükəsizliyi Komissiyasının 30 iyun 2015-ci il tarixli iclası zamanı verilmiş tapşırıqların icrası məqsədilə "Azərbaycan Dəmir Yolları" QSC tərəfindən aşağıdakı işlər həyata keçirilib:

- İnersiyalı yüklərin dəmir yolu ilə daşınması məqsədilə 1000 ədəd yarımvaqon və 200 ədəd platforma vaqonları alınaraq istismara buraxılıb;

- Binə, Dübəndi, Zabrat stansiyalarında xüsusi yükboşaltma məntəqələri yaradılıb və Mingəçevir şəhər, Bərdə və Vətəgə stansiyalarında yük doldurma sahələri bərpa edilib. Eyni zamanda tələbata uyğun olaraq zərurət yarandığı təqdirdə, digər müvafiq stansiyalarda da inersiyalı yüklərin boşaldılması üçün zəruri mobilliyi olan meydançaların yaradılması planlaşdırılır;

- Dəmir yolunda inersiyalı yüklərin yarımvaqonlarda daşıma normalarının müəyyənləşdirilməsi məqsədilə müvafiq işçi komissiya yaradılıb və bu iş daim nəzarətdə saxlanılır;

- Daşınan inersiyalı yüklərin çəkisinə nəzarət etmək məqsədilə Keşlə stansiyasında yeni vaqon tərəzisi quraşdırılıb, Mingəçevir şəhər və Gəncə stansiyalarındakı vaqon tərəziləri bərpa edilib. İmişli stansiyasında yeni vaqon tərəzisinin quraşdırılması işləri yekunlaşmaq üzrədir və digər inersiyalı yüklər yüklənən stansiyalarda da yeni vaqon tərəzilərinin quraşdırılması planlaşdırılır.