Prezidentin köməkçisi manatın məzənnəsi ilə bağlı "qırmızı xətt"i açıqladı

 "Hal-hazırda Mərkəzi Bankın manatın məzənnəsinə təcili müdaxilə edə biləcək hal yaşanmır".

 

"APA-Economics" xəbər verir ki, bu barədə prezident İlham Əliyevin iqtisadi islahatlar üzrə köməkçisi Natiq Əmirov "Azərbaycanda aparılan iqtisadi islahatlara Azərbaycanda Amerika Ticarət Palatasının dəstəyi" mövzusunda keçirilən konfransda bildirib.

 

"Manatın məzənnəsinə təsir edən əsas faktor idxalın səviyyəsidir və idxalın səviyyəsindən asılı olaraq manatın məzənnəsi dəyişə bilir. İdxalın səviyyəsi artdıqca, manatın məzənnəsi zəifləyir, idxal azaldıqca manatın dəyəri artır. Üzən məzənnənin məqsədi odur ki, manat öz yerini tapa bilsin. Hal-hazırda Mərkəzi Bankın manatın məzənnəsinə təcili müdaxilə edə biləcək hal yaşanmır. Manatın məzənnəsi ilə bağlı hər hansı "qırmızı xətt" yoxdur və ola bilməz. Məzənnəni bazar müəyyənləşdirir. Ümumilikdə, təbii ki, iqtisadiyyata zərər verə biləcək bir hədd dövlət üçün hər zaman var və o hədd bizim üçün "qırmızı xətt"dir. Bu cür hallarda Mərkəzi Bank öz müdaxiləsini edir", - deyə N. Əmirov qeyd edib.