SOCAR iyul ayında 8 min metrdən çox qazma işi aparıb

ANN.Az SOCAR-a istinadən xəbər verir ki, bu sahədə görülmüş işlərin hamısı istismara aid olub.

Ümumiyyətlə, 2016-cı ilin yanvar-iyul aylarında SOCAR üzrə (Müştərək Müəssisələr və Əməliyyat Şirkətləri istisna olmaqla) 61681 metr qazma işi görülüb ki, bunun da 60464 metri istismara, 1217 metri isə kəşfiyyata aid olub. 

Bundan əlavə, iyul ayı ərzində qazmadan alınmış 9, ilin əvvəlindən isə 35 yeni quyu tikinti ilə başa çatdırılaraq mədənçilərə təhvil verilib.