"Səhiyyə Nazirliyi yoxlamadan sertifikat verdiyini etiraf etmişdi" - Eyyub Hüseynov

ANN.Az xəbər verir ki, bunu Azad İstehlakçılar Birliyinin (AİB) sədri Eyyub Hüseynov "2016-cı ilin istehlak səbəti necə bahalaşdı?" mövzusunda keçirilən mətbuat konfransında deyib. 

"Ukraynadan gətirilən və tərkibində 40%-ə qədər naməlum maye olan toyuq ətinin, eləcə də, Türkiyədən gətirilən vaxtı keçmiş yumurtaların, murdar heyvan ətlərinin paytaxta gətirilməsini aşkarlamışıq. Əsas işlərimizdən biri qeyri-qanuni və filtrsiz siqaretlərin aşkarlanması oldu. Tərkibində nikotinin miqdarı 67%, qətranın miqdarı 17% çox olan və Şəkidə istehsal olunan "Karvan”, "Piramida” siqaretlərinin istehsalına qarşı ciddi mübarizə aparmışıq.  Çox acınacaqlı haldır Səhiyyə Nazirliyi özü etiraf edib ki, biz həmin siqaretlərə yoxlamadan saxta sertifikatlar vermişik”.