Dünya İqtisadi Forumu: "Ermənistan qonşularından xeyli geri qalır"

ANN.Az Trend-ə istinadən  məlumat verir ki, bu barədə Dünya İqtisadi Forumunun yeni məruzəsində bildirilir.

Forumun "Hərtərəfli artım və inkişaf haqqında məruzə - 2017" adlı araşdırmasında 109 ölkənin hərtərəfli inkişaf üzrə göstəriciləri qeyd olunur. Onlardan 30-u inkişaf etmiş, 79-u isə inkişaf etməkdə olan ölkədir.

Ermənistan reytinqdə 50-ci yeri tutmaqla qonşularından xeyli geri qalır - Azərbaycan (2-ci yer), Türkiyə (20-ci yer), İran (21-ci yer) və Gürcüstan (31-ci yer). Rusiya isə reytinqdə 13-cü sıradadır. Adambaşına düşən ÜDM-in göstəricisinə görə də Ermənistan Türkiyə, Azərbaycan, İran və Gürcüstandan geri qalır - 40-cı yer.

Ümumilikdə, inkişaf etməkdə olan ölkələrin reytinqində ilk üç yeri müvafiq olaraq Litva, Azərbaycan və Macarıstan tutur.