Deputat: Pensiya yaşının artırılması müəyyən suallar doğurur

Bu barədə Oxu.Az-a açıqlamasında Milli Məclisin deputatı Vahid Əhmədov deyib.

Onun sözlərinə görə, hazırda pensiya yaşının qadınlar üçün 63, kişilər üçünsə 65-ə çatdırılması müzakirə predmetidir:

"Qanun hələ ki qəbul edilməyib, layihə müzakirəyə çıxarılandan sonra müəyyən fikirlər səsləndirmək olar”, - deyə o bildirib. 

V.Əhmədov qeyd edib ki, bu məsələdə bir çox beynəlxalq təşkilatların tövsiyələri var.

Deputat xatırladıb ki, qonşu ölkələrdə də pensiya yaş həddinin 65-ə çatdırılması məsələsinə baxılır. 

Qeyd edək ki, qanun layihəsinə əsasən, kişilər üçün pensiya yaş həddi 2021-ci ilə qədər hər il 6 ay artırılacaq. Qadınlar üçün isə 2027-ci ilə qədər pensiya yaşı hər il 6 ay artırılacaq. Bununla da qadınların və kişilərin pensiya yaşı həddi 65-ə çatdırılacaq.

Qanun layihəsi qəbul olunarsa, 2017-ci il iyulun 1-də qəbul olunacaq.