SOCAR ötənilki gəlirlərini açıqladı

anews.az hesabata istinadən xəbər verir ki, ötən il SOCAR yerli və xarici banklardan 798 mln. manat (457 mln. dollar), 186 mln. manat (101 mln. avro) və 254 mln. manat (368 mln. lari) məbləğində yeni uzunmüddətli kreditlər alıb.

Şirkət yerli bankdan isə 140 mln. manat məbləğində qısamüddətli kredit əldə edib. SOCAR ümumilikdə 1,378 mlrd. manat məbləğində kredit cəlb edib. 

Maliyyə hesabatına əsasən, 2016-cı ildə SOCAR-ın məcmu gəlirləri 57% artaraq 51,905 mlrd. manat olub.

Şirkətin ölkədəki gəlirləri 12% artıb və 5,171 mlrd. manata çatıb. Türkiyə üzrə bu rəqəm 35% artıb və 3,479 mlrd. manat təşkil edib. O cümlədən şirkətin Birləşmiş Ərəb Əmirliklərində (BƏƏ) gəlirləri  22% artaraq 1,156 mlrd. manat, Gürcüstanda 40% artaraq 1,046 mlrd. manat, digər ölkələrdəki gəlirləri isə 71% artaraq 615 mln. manat təşkil edib.