Dövlət Turizm Agentliyi bölgələrdə otellərin tikilməsini stimullaşdıracaq

Dövlət Turizm Agentliyi otel qiymətlərinin stabilləşdirilməsi üçün təkliflər planı hazırlayıb, bu barədə agentliyin mətbuat katibi Kənan Quluzadə məlumat verib.  

 

" Azərbaycanda fəaliyyət göstərən otellərin qiymətlərini 2019-cu illə müqayisə etdikdə böyük fərq hiss olunmur.  Amma 2019-cu ildəki qiymətlər xaricdən gələn böyük axın üçün nəzərdə tutulub. Müşahidə edirik ki, şənbə-bazar günləri otellərin 80-90 faiz tutulur. Deməli, tələbat var. Dövlət qurumları özəl sektorda qiymətləri tənzimləmir. Amma rəqabəti artırmaq, az büdcəli otellərin tikilməsi üçün  fiskal, vergi güzəştləri, həm də subsidiyalarla bağlı təkliflər planı hazırlamışıq. Çünki aşağı büdcəli otellər  turizmin inkişafına daha çox imkan yaradır", deyə Quluzadə bildirib. 

Onun sözlərinə görə, hazırda  Şamaxıda cəmi iki otel fəaliyyət göstərir. Odur ki, turistlər sahibkarların qoyduğu qiymətlərlə razılaşmalı olur. Onların sayı artsa rəqabət  də artacaq və bu qiymətlərin  düşməsinə kömək edəcəkdir.