Avropa Birliyi Rusiyanı SWIFT-dən ayırmağa hazırlaşır - Fransa maliyyə naziri

   

Moskvanın Ukraynaya təcavüzündən sonra Aİ ölkələri artıq Rusiyanın bank xidmətləri bazarının 70%-ni əhatə edəcək sanksiyalar paketi barədə qərar qəbul edib.

   

Bununla belə, bəzi ölkələr Rusiyanın enerji idxalının necə tənzimlənəcəyi və Aİ kreditorlarına ödənişlərin ödənilib-ödənilməməsi ilə bağlı narahatlığını bildirərək Rusiyanı SWIFT pul köçürmələri şəbəkəsindən kəsmək istəmir.

   

Buna görə də Parisdə görüşən Aİ maliyyə nazirləri Avropa Mərkəzi Bankından və Avropa Komissiyasından "yaxın bir neçə saat ərzində” bu cür hərəkətlərin nəticələrinin təhlilini hazırlamağı xahiş edib, - deyə Fransanın maliyyə naziri Bruno Le Maire bildirib.

   

"SWIFT maliyyə atom bombasıdır. SWIFT Rusiya maliyyə institutlarını dünyanın digər maliyyə qurumlarından kəsəcək", - Le Maire Parisdə keçirilən iclasdan sonra jurnalistlərə deyib.

   

"Əlinizdə nüvə silahı olanda ondan istifadə etməzdən əvvəl düşünürsən, bəzi üzv ölkələrin şübhələri var, amma Fransa onlardan biri deyil”, o əlavə edib.

   

Almaniya hökumətinin sözçüsü cümə günü bildirib ki, Rusiyanın SWIFT-dən ayrılması texniki cəhətdən çətin olacaq, Almaniya və Almaniya bizneslərinin Rusiyadakı əməliyyatlarına böyük təsir göstərəcək.

   

Daha sonra Parisdə keçirilən görüşdə Almaniyanın maliyyə naziri Kristian Lindner deyib. "Biz açığıq, amma siz nə etdiyinizi də bilməlisiniz”.

 

   

 "Rusiyanın SWIFT-dən ayrılmasının potensial olaraq geniş təsirlərini nəzərə alaraq, bütün variantlar masadadır”,  - deyə Avropa Komissiyasının vitse-prezidenti Valdis Dombrovskis maliyyə nazirlərinin iclasında deyib.