Bakı Fond Bijasında əməliyyatlar üzrə dövriyyə artıb

Ümumi əməliyyatların 3 milyard 530 milyon 368,988 min manatı  dövlət qiymətli kağızları ilə aparılan əməliyyatların payına düşüb ki, bu da ötən ilin uyğun dövrü ilə müqayisədə 8,4% azdır. Eyni zamanda 616 milyon 246,568 min manat (azalma 39,5%) həcmində  Maliyyə Nazirliyi tərəfindən buraxılan istiqrazlar yerləşdirilib. İstiqrazların ilkin bazarda yerləşdirilməsinin həcmi 413 milyon 122,563 min manat, təkrar bazarda isə - 203 milyon 124,005 min manat təşkil edib.

Hesabat dövründə Mərkəzi Bankın qısamüddətli notlarının yerləşdirilməsinin həcmi 2 milyard 914 milyon 122,421 min manat (artım 2,8%) təşkil edib. Bununla yanaşı, ilkin bazarda notların yerləşdirilməsinin həcmi 2 milyard 902 milyon 983,64 min manat, təkrar bazarda isə 11 milyon 138,781 min manat təşkil edib.

O cümlədən,  194 milyon 328,726 min manat həcmində Azərbaycan İpoteka və Kredit Zəmanət Fondunun istiqrazları yerləşdirilib. Digər korporativ istiqrazların yerləşdirilməsinin həcmi 193 milyon 559,255 min manat, səhmlərin yerləşdirilməsinin həcmi 10 milyon 545,017 min manat təşkil edib.

Yanvar-apreldə BFB-nin ümumi dövriyyəsində repo əməliyyatlarının payı 2 milyard 541 milyon 336,475 min manat (artım 1,4 dəfə) təşkil edib.

BFB-dən verilən məlumata görə, birjanın kapitallaşması (listinqdə olan qiymətli kağızların dəyəri) martın sonuna 4 milyard 89 milyon 314,695 min manat təşkil edib ki, bu da 2022-ci ilin əvvəli ilə müqayisədə 6,4% azdır.