“Bank of America” Avropada qazla bağlı “dəhşətli” vəziyyəti proqnozlaşdırıb

Avropada qazla bağlı vəziyyət "dəhşətli” vəziyyətdədir və hər şey tədricən fəlakətə doğru gedir. Bu barədə "Business Insider” "Bank of America” maliyyə institutunun qeydinə istinadən xəbər verir.

Nəşrin yazdığına görə, "Bank of America” maliyyə institutunun əlində hətta Avropada vəziyyətin fəlakətə yaxın olduğunu aydın göstərən sənəd var.

Maliyyə qurumunun məlumatına görə, Avropada enerji böhranı Rusiyanın hərəkətləri ilə bağlı olub. Məcburi məhdudiyyətlər səbəbindən Avropa İttifaqı enerji mənbələri olmadan qala bilər ki, bu da qarşıdan gələn qışda avropalıların həyatına mənfi təsir göstərəcək. Eyni zamanda, Rusiya tərəfində qaz kəmərinin ümumi gücün 20%-i səviyyəsində işləməsi qazın anbarlara vaxtında vurulmasına imkan verməyəcək.

Avqustun 14-də Bloomberg xəbər verib ki, Avropa ölkələri uzun illər ərzində rekord səviyyədə aşağı ehtiyatlara görə bu qış mazut çatışmazlığı ilə üzləşə bilər. Agentliyin müşahidəçisi Javier Blasın sözlərinə görə, ABŞ-ın mazut ehtiyatları apreldən sentyabr ayına qədər ənənəvi olaraq 20 milyon barel artıb. Lakin hazırda onlar cəmi 2 milyon barel artıb. Oxşar vəziyyət Avropada da yaşanır.

www.anews.az