Azərbaycan və Türkiyə arasında ticarət dövriyyəsi 6 milyard dolları keçəcək

Bu il Azərbaycanla Türkiyə arasında ticarət dövriyyəsi həcminin 6 milyard ABŞ dollarından çox olacağı gözlənilir.

Bunu Türkiyənin Azərbaycandakı Səfirliyinin Ticarət Müşavirliyinin baş müşaviri Ahmet Erdal deyib.

"Ticarət Müşavirliyi olaraq əsas işimiz Azərbaycan ilə Türkiyə arasındakı ticarət əlaqələrinin inkişafıdır. İki ölkə arasında illərdən bəri davam edən əlaqələr Azərbaycanın Vətən Müharibəsində qazanılan zəfərlə daha fərqli bir nöqtəyə qədəm qoydu. Bu ilin yanvar-sentyabr aylarında Azərbaycanla Türkiyə arasında ticarət həcmi 4,3 milyard ABŞ dolları olub. Bu il bu ticarət həcminin 6 milyard ABŞ dolları keçəcəyini gözləyirik” , - Ahmet Erdal əlavə edib.