Respondetlərin 32,5 faizi cəmiyyətdə əsas birliyin siyasi birlik olduğunu düşünür- STM

Nəticələrə əsasən, yaşı  65-dən yuxarı olan respondentlərin 43,1%-i, 18-24 yaş qrupunu təmsil edənlərlə (17,4%) müqayisədə bu mövqeyi daha çox bölüşdüyünü göstərir
 
Sorğu iştirakçılarının 29,9%-i Azərbaycan cəmiyyətinin mövcud birliyini və bütünlüyünü milli-tarixi birliyin formulu kimi dəyərləndirib. Yaş kateqoriyası üzrə nəticələrin təhlilinə əsasən, gənc respondentlərin 52,2%-i, eləcə də yuxarı yaş qrupuna aid olanların 29,4%-i bu mövqedən çıxış edib.
 
Sorğuda iştirak edənlərin 13,4%-i əxlaqi-mənəvi amilləri əsas götürərək, cəmiyyətinin bütünlüyünün bəzisini dini-mənəvi əsaslarla əlaqələndirib. Sorğuda iştirak edənlərin 9,0%-i cəmiyyətin birliyi, bütünlüyü üçün ideoloji amillərin vacib olduğunu qeyd edib.
 
Respondentlərin 11,8% bu suala rəyini ifadə etməkdə çətinlik çəkib, 3,4%-i digər cavab variantlarını qeyd edib.
 
Lida Abbaslı
www.anews.az