Azərbaycandan Avropaya 21 milyard kubmetr qaz tədarük edilib - Nazir
22.02.2023 14:09
Azərbaycan iki ildən artıq müddətdə Avropaya 21 milyard kubmetr qaz ixrac edib. Bunu energetika naziri Pərviz Şahbazov deyib.
"Bu il neft hasilatı 30.4 milyon ton, təbii qaz hasilatı 47.2 milyard kubmetr, ixracı isə 24.5 milyard kubmetr səviyyəsində proqnozlaşdırılır", - nazir "Ümummilli lider Heydər Əliyev Azərbaycanın müstəqil energetika siyasətinin müəllifidir” adlı tədbirdə çıxışı zamanı qeyd edib.
Prezident İlham Əliyev fevralın 3-də Cənub Qaz Dəhlizi Məşvərət Şurası çərçivəsində nazirlərin 9-cu iclasında çıxışı zamanı deyib ki, 2023-cü il Azərbaycan Avropaya 24.5 milyard kubmetr qaz ixrac edəcək.
Avropaya Azərbaycandan qaz tədarükü 2021-ci il 19 milyard, 2022-ci ildə isə 22.6 milyard olub.
Cənub Qaz Dəhlizinin bir hissəsi olan TAP qaz kəməri "Mərhələ-2” layihəsi çərçivəsində "Şahdəniz” yatağından ildə 10 milyard kubmetr qazın nəqli üçün nəzərdə tutulub. Qaz kəmərinin ötürmə qabiliyyəti onun ötürücülüyünü ildə 20 milyard kubmetrə çatdırmağa imkan verir.
TAP AG 2026-cı ildən etibarən qaz kəmərinin ildə 1,2 milyard kubmetr qazla genişləndirilməsinin birinci mərhələsini həyata keçirəcək.
Aytac
www.anews.az
Telegram
Bizi Teleqramda izləyin
Oxşar xəbərlər
Oxşar xəbərlər
İqtisadiyyat 15:31
Azercell-in “Oflayn Qadınlar” layihəsi iki beynəlxalq festivalda beş mükafat qazanıb
Son xəbərlər 
Daha çox 
Foto
Video
