Aİ ölkələri Azərbaycandan 22 milyard kubmetrdən çox qaz alıb

"Biz Avropaya 22 milyard kubmetrdən çox qaz idxal etmişik. Bazar tələbini ödəmək üçün biz fevralın 22-dən etibarən tam gücə yaxınlaşırıq və TAP-ın qısamüddətli gücünü artırmaq üçün kommersiya həlləri işləyib hazırlamışıq”, - Şippati Avropa Qaz Konfransında bildirib.

Onun sözləri TAP AG boru kəməri şirkətinin rəsmi Tvitter hesabında dərc olunub.

Şippati əlavə edib ki, TAP AG bu yaxınlarda TAP qaz kəmərinin genişləndirilməsinin birinci mərhələsinə başlayıb.

"2026-cı ildən ayrılacaq əlavə 1,2 milyard kubmetr qaz kəmərinin gücü ildə 20 milyard kubmetrə çatana qədər prosesin ilkin mərhələsi olacaq ", - Şippati vurğulayıb.

TAP qaz kəməri Azərbaycanın "Şahdəniz" yatağından onun işlənməsinin "Mərhələ-2"si çərçivəsində ildə 10 milyard kubmetr təbii qazın Avropaya nəqli üçün nəzərdə tutulub. 2027-ci ilə qədər qaz kəmərinin ötürücülüyünün ildə 20 milyard kubmetrə çatdırılması planlaşdırılır.

2022-ci ildə Azərbaycan qaz ixracını 18% artıraraq 22,3 milyard kubmetrə çatdırıb, Avropaya tədarük 11,4 milyard kubmetr (+39%) təşkil edib.

2023-cü ildə Azərbaycandan 24 milyard kubmetrdən çox qaz ixracı planlaşdırılır ki, bunun da ən azı 12 milyard kubmetri Avropayadır.

Hazırda Avropada Azərbaycan qazının alıcıları İtaliya, Yunanıstan, Bolqarıstan və Rumıniyadır.