Azərbaycandan İsrailə xam neft məhsullarının ixracı artıb

 

Bu göstəricilər 2022-ci il ilin eyni dövrü ilə müqayisədə 35,8 faiz (117 602,01 min dollar), həcm baxımından isə 36,4 faiz (189 863,96 ton) çoxdur.

Təkcə cari ilin martında bu ölkəyə 114 144,44 min dollar dəyərində 181 923,65 ton xam neft məhsulları ixrac edilib ki, bu da fevral ilə müqayisədə dəyər ifadəsində 19 671,64 min dollar (20,8 faiz), həcm olaraq isə 34 891,49 ton (23,7 faiz) çoxdur.

 

2023-cü ildə Azərbaycan və İsrail arasında ticarət dövriyyəsi ən azı 2 dəfə artacaq. Bunu İsrailin Azərbaycandakı səfiri Corc Dik AZTV-yə müsahibəsində bildirib.
 
O bildirib ki, Azərbaycan və İsrail arasında növbəti addım ikitərəfli və iqtisadi əlaqələrin genişləndirilməsi istiqamətində olacaq.

2023- cü ilin yanvarın 11-də Prezidentin sərəncamı ilə Muxtar Məmməd oğlu Məmmədov Azərbaycan Respublikasının İsrail Dövlətində fövqəladə və səlahiyyətli səfiri təyin edilib.

Bu ilin martın 29-da İsrailin paytaxtı Təl-Əviv şəhərində Azərbaycan səfirliyinin açılışı olub.
 
2022-ci ildə xarici ticarət dövriyyəsi 46 milyard 633,2 milyon ABŞ dolları, o cümlədən ixracın dəyəri 35 milyard 45,6 milyon dollar, idxalın dəyəri 11 milyard 587,6 milyon dollar təşkil edib. Nəticədə 23 milyard 458 milyon dollarlıq müsbət ticarət saldosu yaranıb.