SOFAZ-ın Londondakı daşınmaz əmlakı bahalaşıb, Moskvadakı isə ucuzlaşıb

Məlumata görə, SOFAZ-ın Parisdəki daşınmaz əmlakının investisiya dəyəri son bir ildə yenidən qiymətləndirmədən sonra 197 milyon 773,087 min avro təşkil edib ki, bu da 2021-ci illə müqayisədə 4% azdır.

Moskvada fonda məxsus daşınmaz əmlak isə ötən il  15,1% ucuzlaşaraq  2,681 milyard rubl təşkil edib.

İl ərzində SOFAZ-ın Tokiodakı daşınmaz əmlakında cüzi artım qeydə alınıb. Belə ki, əmlakın qiyməti  0,2% artaraq 56,9 milyard yapon yeninə (təxminən 400 milyon dollar) bərabər olub. 

Ümumilikdə London, Paris, Moskva və Tokioda yerləşən dörd əmlak SOFAZ-ın daşınmaz əmlak portfelinin 21%-ni təşkil edir. Bu əmlak 3,1 milyard dollar dəyərində qiymətləndirilir.

SOFAZ-dan  verilən məlumata görə, 2022-ci ildə fondun daşınmaz əmlakın satın alınmasına birbaşa investisiyalarından gəlirliliyi 9,2% təşkil edib.

Ümumilikdə, SOFAZ-ın daşınmaz əmlaka yatırdığı investisiyaların orta illik gəliri 6,8% həcmində qiymətləndirilir, bu investisiyalardan fondun birbaşa gəliri 1,3 milyard dollar təşkil edib.