BMT taxıl müqaviləsinin faktiki dayandırıldığını elan edib

Hazırda taxıl müqaviləsi çərçivəsində nə Ukraynaya, nə də Ukrayna limanlarından heç bir gəmi hərəkət etmir. Bu barədə TACC agentliyi BMT-nin Qara Dəniz Taxıl Təşəbbüsü üzrə koordinatoru İsmini Pallaya istinadan bildirib.

"Dünən dayandırıldığını nəzərə alsaq, taxıl təşəbbüsü kontekstində hazırda heç bir gəmi Ukraynaya və ya onun Qara dəniz limanlarından hərəkət etmir" - BMT rəsmisi vurğulayıb.

BMT koordinatoru təşkilatın nümayəndə heyətinin tələb olunarsa, növbəti məsləhətləşmələrə qədər İstanbulda qalacağını bəyan edib.

Bundan əvvəl Ankara Rusiya Federasiyasının iştirakı olmadan taxıl müqaviləsinin davam etdirilməsi təklifi ilə Kiyevdən müraciət alıb və məsələni BMT ilə razılaşdırır.

Vurğulanır ki, iyulun 17-də Türkiyə prezidenti Rəcəb Tayyib Ərdoğan Rusiya prezidenti Vladimir Putinlə danışıqlar apardığını bəyan edib, müzakirələrdən sonra taxıl sazişi ilə bağlı qərar qəbul oluna bilər. Ukrayna tərəfinin taxıl sövdələşməsi ilə bağlı digər təfərrüatları və təşəbbüsləri hələlik açıqlanmır.

Gülnar 

www.anews.az