Aİ ölkələri Azərbaycana dərman ixracını artırıb

Hesabat dövründə idxalın dəyəri 68,506 milyon avro (illiklə müqayisədə 8,7% artım) təşkil edib.

Mayda Aİ ölkələri Azərbaycana 10,541 milyon avroluq (illik 0,3% artım) əczaçılıq məhsulları ixrac edib. Hesabat dövründə ilk üç ixracatçı  Macarıstan (2,809 milyon avro, artım 83,6%), Almaniya (2,226 milyon avro, azalma 33,6%) və Litva (1,25 milyon avro, artım 10,4%)  olub. 

Ümumilikdə bu ilin beş ayında  Almaniya Azərbaycana 19,226 milyon avro, Macarıstan 15,856 milyon avro, Litva 3,168 milyon avro dəyərində dərman və dərman ləvazimatları ixrac edib. 

Eurostat-ın məlumatına görə, Aİ ölkələri 2022-ci ildə Azərbaycana 3,458 min ton (2021-ci illə müqayisədə 31,8% artım) 137,64 milyon avro dəyərində  (artım 1,4%) əczaçılıq məhsulları ixrac edib.