Dövlət borcunun idarə edilməsi strategiyasına dəyişikliklər təsdiqlənib

Dəyişikliklərə əsasən, strateji məqsəd dövlət borcunun 2025-ci ilin sonuna qədər ÜDM-in 30%-dən çox olmayan (əvvəllər dövlətborcu ÜDM-in 20%-dən çox olmamalıidi, red) səviyyədə saxlamaqdır. 

Bundan əlavə, dəyişikliklərə əsasən, 2026-cı ilə qədər Azərbaycanın xarici borcu 10 milyard dollardan çox olmamalıdır (əvvəllər ÜDM-in 15%-dən çox olmamalı idi).

Maliyyə Nazirliyinin məlumatına görə, 2023-cü il iyunun 30-a  Azərbaycanın dövlət borcu 16 milyard 151 milyon manat və ya cari il üçün proqnozlaşdırılan ÜDM-in 14,5%-i, o cümlədən xarici borc 6 milyard 576,9 milyon dollar (11 milyard 180,7 milyon manatvə ya ÜDM-in 10%-i qədər) təşkil edib. 

 

Ölkənin daxili borcu isə 4 milyard 970,3 milyon manat və ya ÜDM-in 4,5%-i qədər olub.

Nazirliyin proqnozlarına görə, 2023-cü ilin sonuna dövlət borcu 17 milyard 536 milyon manata (indiki məzənnə ilə 10 milyard 315,3 milyon dollar) yüksələcək.

 

Eyni zamanda, 2024-cü il yanvarın 1-nə xarici borc 6 milyard 381 milyon dollar və ya 10 milyard 847 milyon manat, daxili borc 6 milyard 689 milyon manat təşkil edəcək.