Unibank tədavülə yüksək gəlirli manat istiqrazları buraxır

23 avqust 2023-cü il tarixində Azərbaycan Respublikasının Mərkəzi Bankı tərəfindən "Unibank KB”-nin tədavül müddəti 12 ay (360 gün), nominal dəyəri 100 manat, illik faiz dərəcəsi 11.5%, faiz ödəniş dövrü isə hər 3 aydan (90 gün) bir təşkil edən, 20 milyon manat həcmində, faizli, təmin edilməmiş sənədsiz, adlı istiqrazlarının emissiya prospekti qeydiyyata alınıb.
İstiqrazların yerləşdirilməsi Bakı Fond Birjasında kütləvi təklif üsulu ilə nəzərdə tutulur. Bu barədə ətraflı məlumat ictimaiyyətə qiymətli kağızlar BFB-də listinqə alındıqdan sonra açıqlanacaq.
 
Unibank istiqrazlarını əldə etmək istəyən şəxslər qeyd edilən linkə keçərək müraciət edə bilərlər: https://unicapital.az/unibank-istiqrazlari
Nəzərinizə çatdıraq ki, fiziki şəxslər tərəfindən istiqrazlar üzrə əldə edilən faiz gəliri 10% gəlir vergisindən azaddır.
 
Ötən il 30-cu ilini qeyd edən "Unibank”, ölkənin ən köklü kommersiya banklarından olmaqla yanaşı, Azərbaycanda ilk dəfə olaraq "mobile-only” (filialsız bank- Leobank) prinsipini tətbiq edən maliyyə qurumudur.
Həmçinin cari ilin may ayında "Azərbaycan Respublikası Mərkəzi Bankı”, "Bakı Fond Birjası” QSC, "Azərbaycan Respublikasının Milli Depozit Mərkəzi” və "Unicapital İnvestisiya Şirkəti”nin iştirakı ilə "Unibank K.B.” ASC-ə həsr olunan "Emitent günü” uğurla baş tutub. Kütləvi informasiya vasitələrinin gündəm mövzusuna çevrilən tədbirin məqsədi investorlara və potensial emitentlərə mütəşəkkil kapital bazarının üstünlüklərini çatdırmaq olub.
 
Şirkətin Nizamnamə kapitalı 100%-lik "Unibank KB” ASC-yə məxsusdur.
 
 

www.anews.az