Azərbaycandan Avropaya indiyədək nə qədər qaz ixrac edilib?- AÇIQLAMA
20.10.2023 09:59
2023-cü ildə ölkədə qaz hasilatı 48,7 milyard kubmetr, ixracı isə 24 milyard kubmetr səviyyəsində proqnozlaşdırılıb. Bu barədə energetika naziri Pərviz Şahbazovun Energetiklər Günü münasibətilə verdiyi məqaləsində bildirilib.
Bildirilir ki, Trans-Anadolu (TANAP) və Trans-Adriatik kəmərləri (TAP) vasitəsilə istifadəyə veriləndən indiyə kimi Türkiyəyə 24,3 milyard kubmetr, Avropaya isə 28,7 milyard kubmetr Azərbaycan qazı nəql olunub.
Nazir vurğulayıb ki, 2021-ci ildə Avropaya 8,2 milyard kubmetr qaz nəql edilmişdisə, enerji təchizatında turbulentliklərin yaşandığı ötən il qaz tədarükü 40% artımla mümkün ən yüksək səviyyəyə - 11,4 milyard kubmetrə çatdırılıb.
Azərbaycan qazının "Şahdəniz” yatağından İtaliya, Yunanıstan və Bolqarıstandakı istehlakçılar üçün Avropaya tədarükü 2020-ci il dekabrın 31-dən başlayıb. Avropaya hər il 10 milyard kubmetr qaz Trans-Adriatik Qaz Boru Kəməri (TAP) vasitəsilə həyata keçirilir.
Hazırda Cənub Qaz Dəhlizinin imkanlarının 2 dəfə genişləndirilməsi müzakirə olunur.
2022-ci ildə Azərbaycan qaz ixracını 18% artıraraq 22,3 milyard kubmetrə çatdırıb, Avropaya tədarük 11,4 milyard kubmetr (+39%) təşkil edib.
Hazırda Cənub Qaz Dəhlizinin imkanlarının 2 dəfə genişləndirilməsi müzakirə olunur.
2022-ci ildə Azərbaycan qaz ixracını 18% artıraraq 22,3 milyard kubmetrə çatdırıb, Avropaya tədarük 11,4 milyard kubmetr (+39%) təşkil edib.
Aytac Zeynalova
www.anews.az
Oxşar xəbərlər
Oxşar xəbərlər
Foto 
Video 
